Góðan dag góðir hálsar!

Það eru ár og aldir síðan síðasta færsla var rituð hér inn og er löngu kominn tími til að vekja síðuna upp af værum blundi.

 Einsog sennilega flest okkar vita þá tryggðum við veru okkar í 2. deildinni í fyrra í síðasta leik gegn toppliði ÍR, sem voru fyrir þann leik taplausir í deildinni. Strákarnir okkar gerðu sér lítið fyrir og unnu þann leik 1-2.

 Leiktíðin í ár hófst um síðustu helgi, en þá komu vestfirðingarnir úr BÍ/Bolungarvík í heimsókn og unnum við þann leik 4-3 í dramatískum leik.
 Hvíti Herinn var enn í vetrardvala þá, en ætlar sér að eiga fanta dag á morgun fimmtudag þegar við rúllum í Garðinn og spilum við erkifjendurna í Víði!!

 Næsti leikur er á morgun semsagt, fimmtudaginn 21. maí '09, á Víðisvellinum í Garði og verður flautaður á kl:14:00 að staðartíma ;)

 Hvíti Herinn ætlar að vera með upphitun fyrir leik á morgun og læt ég fylgja auglýsingu frá okkur...

Fimmtudaginn 21.maí munu Reynismenn fara í heimsókn til nágranna okkar í Garðinum og eins og alltaf er mikil eftirvænting í loftinu þegar þessi tvö lið mætast !

Hvíti Herinn ætlar að mæta grimmur til leiks og verður upphitun á pallinum á Bogabraut 8 (Marinó) kl: 12:00 að hádegi en leikurinn hefst kl: 14:00.

Við ætlum að grilla pulsur og er ÖLLUM Reynismönnum boðið, þú þarft ekki að vera skráð/ur í stuðningsmannaliðið J

Eina skilyrðið er hvítur klæðnaður og þú færð pulsu, jíhaa !!

Við þurfum ykkar hjálp í stúkunni og því tilvalið að mæta í grillið og æfa lögin með okkur J

Bílaröðin leggur af stað í Garðinn í kringum 13:30.

 

Hvíti Herinn-

ÁFRAM REYNIR!!

 

 

 

 

Gillarinn out!

 Sælt veriði kæra Reynisfólk, nær og fjær.

Þá er komið að því, klukkan 16:00 á morgun laugardag vitum við hvort skal fagnað eða grátið.

 Reynismenn leggja leið sína á ÍR völlinn og sækja þar...tjahh ÍR heim   Að fá stig útur þeim leik myndi tryggja okkar veru í deildinni, en ef að leikurinn tapast að þá verðum við að stóla á hagstæð úrslit úr leikjum ÍH - Tindastóls og Hamar - Höttur.

 Ég hef fulla trú á okkar mönnum,og við náum stigi útur þessum leik, ef ekki bara öllum 3 sérstaklega eftir ævintýralegan leik um síðustu helgi gegn Hvöt. 4-0 undir og tæpur hálftími eftir og ná að jafna... Þetta sýnir karakter, því getur enginn neitað. Vonandi að strákarnir taki þennan vilja og baráttu með sér í leikinn á morgun og þá getur allt skeð....

 

 Leikurinn er flautaður á klukkan 14:00 á morgun, laugardag 20.sept.


 Hvet ALLA sem vettlingi geta valdið að leggja leið sína í höfuðborgina (4. hættulegustu borg Evrópu) á morgun og standa við bakið á okkar mönnum, stuðningur okkar getur skipt sköpum!!  


 Verum nú jákvæð og höfum gaman af lífinu. Stoðar ekkert að væla og benda á sökudólga og vera með einhver leiðindi.... þá á ég líka við að ef þú vilt kommenta og hefur ekkert jákvætt að segja, gerðu okkur hinum greiða og SLEPPTU því, við nennum ekki að lesa það.


ÁFRAM REYNIR!!!



 ps. Vil svo minna á árshátíð Reynis. Hún fer fram á morgun, 20. sept.   nánar á 

http://reynir.is/displayer.asp?page=0&Article_ID=686&NWS=NWS&ap=NewsDetail.asp&Poll_ID=17&p=ASP\~Pg0.asp

 Jæja gott fólk... Glæsilegur sigur okkar manna í síðasta leik gegn Hetti. 3-2 lokastaðan, Palli með fyrstamarkið, skalli eftir frábæra fyrirgjöf frá Matta að mig minnir. Svo kom Mummi með hnitmiðað skot í fjær hornið, úr nánast vonlausu færi útvið hliðarlínu , Maggi Flo-rida setti svo þriðja með skalla eftir flotta fyrirgjöf frá Mumma.
 
  Elvar Grétars heldur áfram að gera flotta hluti, og hef ég enga trú á að hann sé orðinn saddur. Ég persónulega spáði Reyni í 5. sæti deildarinnar á þessu sumri, og gott ef ekki að við náum því bara með stæl.


 Næsti leikur, Völsungur á okkar ástkæra Sparisjóðsvelli.  Leikurinn er á laugardaginn og verður einn af hápunktum Sandgerðisdaga. Flautað verður á klukkan 12:00 stundvíslega.  Fasteign ehf. ætlar að splæsa á völlinn og því er um að gera að kíkja á strákana landa 3 stigum. Muna bara að klæða sig eftir veðri


  Við Reynismenn erum í 7. sæti með 20 stig, á meðan að Völsungur vermir næst neðsta sætið með með 16 stig.
 Norðanmenn tóku á móti erkifjendum okkar í Víði í síðustu umferð og gerðu jafntefli, 2-2, og greinilegt að Völsungur verður sýnd veiði, en ekki gefin.

 Hvíti Herinn þarf svo sannarlega að fara að girða sig í brók og fylgja fordæmi strákanna sem spila í hvítu treyjunum. Vonandi fer mannskapurinn að vakna af værum blundi svo við getum endað þetta annars ágæta sumar með stæl. 


  Laugardagur 30. ágúst

Reynir S.  vs   Völsungur

Sparisjóðsvöllurinn í sandgerði

kl. 12:00

 Sjáumst hress....

Gilli Setberg

 Jæja gott Reynisfólk... nú er aldeilis komið að því að við verðum að fara að bíta í skjaldarrendur!!

 Leikurinn gegn Tindastól síðastliðinn laugardag endaði með 0-0 jafntefli, sem voru ekki úrslitin sem við hefðum óskað.

 Reynismenn skunduðu svo í Mosfellsbæ á þriðjudag... þar endaði leikurinn 4-1 fyrir heimamönnum í Aftureldingu. Hreint út sagt skelfilegur fyrri hálfleikur varð okkur að falli þar. Haffi Rúnars var með markið okkar.

 Nú eru 5 leikir eftir hjá okkar mönnum, 15 stig í pottinum og það væri ekkert verra að landa þeim öllum.

 Höttur er næsta verkefni, og sá leikur fer fram á laugardaginn 23. ágúst kl. 14:00 á Sparisjóðsvellinum hér í Sandgerði.

 Hattarmenn eru í 6. sæti deildarinnar með 22 stig, en  Reynir er 9. sætinu með 17 stig.

 Fyrri leikur liðanna sem fram fór á Egilsstöðum 22. júní endaði með 4-1 sigri heimamanna í Hetti.  Nú er mál að sýna þessu "útálandiliði" hvernig á að spila fótbolta, og hefna ófaranna fyrir austan fyrr í sumar!!

Hvíti Herinn....Er ekki kominn tími til að rífa sig uppúr þessu þunglyndi og voli og fara gera eitthvað í málunum? Neikvæðni er orðinn alltof stór partur af prógraminu hjá okkur, og fer alltof mikið púður í það að finna sökudólga og sjá aðeins það sem miður fer.Þessi neikvæðni og leiðindi eru ekki að hjálpa neinum, ef eitthvað er þá í hina áttina. Undirritaður hefur ekki verið barnanna bestur í þessum málum, og skal ég fúslega viðurkenna það.
  En nú er kominn tími til að snúa við blaðinu, einbeitum okkur að sjá ljósu punktana í þessu öllu saman, og fara standa við bakið á okkar mönnum og fara klifra upp töfluna í SAMEININGU!!
 
 Hittumst á Mamma Mía á laugardaginn klukkan 12:00 og myndum góða stemmningu. Tökum svo trommurnar með okkur í brekkuna og gefumst ekki upp þó að á móti blási.

Gísli Jónatan... kveður


 ÁFRAM REYNIR!!

 Góðan daginn góðir hálsar....

 Einsog flestir væntanlega vita þá er nýr maður kominn í brúnna hjá okkar ágæta klúbbi. Elvar Grétarsson heitir maðurinn og bjóðum við hann hjartanlega velkominn.
   Hann stýrði liðinu í fyrsta skipti í síðasta leik, útileikur gegn Magna frá Grenivík. Það var ekki að spyrja að því, Reynisliðið fór með góð 3 stig frá Grenivík í farteskinu, sterkur sigur hjá okkar mönnum!

 Einnig spilaði Sveinn nokkur Vilhjálmsson sinn fyrsta leik fyrir Reyni í sumar eftir að hafa verið í pásu frá boltanum. Byrjaði mótið með stæl, fékk að líta beint rautt á  ´43 mín. Góður

 Þá að næsta verkefni, Tindastóll á Sparisjóðsvellinum í Sandgerði.  Fyrri leikur liðanna í sumar endaði 5-3 fyrir Stólunum á Sauðárkróki.
 Tindastóls menn sitja sem stendur í 8. sæti með 15 stig, einu stigi minna en okkar menn sem eru í 7. sæti með 16 stig.

 Markatala liðanna er forvitnileg, Reynir er með 31 mark skorað en 39 fengin á sig, en það eru 2 lið sem deila því með sér að hafa fengið á sig flest mörkin í sumar, Reynir og ÍH... Gaman af þvi....
 Tindastóll er með 21 mark skorað, sem er annar forvitnilegur punktur þar sem að ekkert lið hefur skorað jafn fá mörk í sumar, og fengið á sig 27 mörk.
 Til að gera langa sögu stutta í sambandi við þetta þá er Reynir með -8 mörk, en Tindastóll með -6.

 Samkvæmt nákvæmum útreikningum mínum útfrá þessu ættum við Reynismenn að vinna þennan leik nokkuð sannfærandi 4-2


 Hvíti Herinn mætir að sjálfsögðu á leikinn á morgun og er ætlunin að hittast á Mamma Mía á hádegi eða klukkan 12:00, og hita upp fyrir átökin.

 Það þarf ekki að taka það fram að það eru allir Sandgerðingar, nærsveitungar og velunnarar Reynis Sandgerði velkomnir á Mamma Mía... Endilega láttu sjá þig!

 Reynir S. - Tindastóll
Sparisjóðsvöllurinn í Sandgerði
Laugardaginn 16. ágúst kl. 14:00

 ALLIR Á VÖLLINN!!!

Áfram Reynir!!



Kv. Gilli

Kæru vinir, liðsmenn Hvíta Hersins, Sandgerðingar og ekki síst REYNISMENN!!

 

Það fer ekki á milli mála að sumarið hefur verið vonbrigði ofan á vonbrigði. Innan vallar sem utan vallar. Allskonar skítköst og ágreiningur á milli manna hefur ekki verið að hjálpa móralslega séð og við sjáum fram á erfiðar stundir.

 

Þjálfaranum hefur verið sagt upp störfum og það er lífsspursmál fyrir Reyni að ráða hæfan mann í brúnna með langtímamarkmið í huga. Skyndilausnir koma okkur ekki langt.

 

En það er erfitt að stjórna liði með brostið bakland. Þar þurfum við að líta í eigin barm og láta þann tíma að baki og gefa nýjum þjálfara það traust og skilning til þess að koma liðinu hærra upp metorðastiga Íslenskrar knattspyrnu.

 

Við höfum ákveðið að hreinsa útúr gestabókinni og viljum að þau sem ætli sér að hjálpa okkur að rífa upp stemmninguna innan sem utan liðs að kvitta þar sem stuðningsyfirlýsingu. Engin nikk, fólk getur notað þau á umræðusvæðinu, þeir sem kjósa svo. Við höfum meðlimaskrá en það fer ekki á milli mála að það eru skörð höggvin í okkar hóp.

 

Við munum halda fund á Mamma Mía þegar að við höfum unnið upp úr þessum upplýsingum og tala við þá sem hafa misst trúnna á liðinu í þeirri von  að fá þá tilbaka og styðja Reyni. Þetta er jú okkar lið. Lið okkar allra í Sandgerði og þar verðum við að láta hjartað ráða.

 

Með von um góðar undirtektir

 

Hvíti Herinn.

 Þá að næste verkefni.

 ÍH kemur í heimsókn á morgun. Leikurinn verður flautaður á kl. 20:00!!

Hvíti Herinn ætlar að hittast á Mamma Mía klukkan 18:00 ALLIR VELKOMNIR!!

 Ætla ekkert að vera tíunda þetta neitt meira.

 KOMA SVO, SNÚUM BÖKUM SAMAN REYNISFÓLK!!

 Sjáumst hress á morgun.


 Muna svo...Gestabókin gott fólk.

Já sælt veri fólkið!

Síðan hefur legið niðri undanfarna daga vegna gríðarlegs álags á vefþjóni. Heimsóknirnar á síðuna voru svo margar að vefþjónninn einfaldlega bræddi úr sér, og biðjumst við velvirðingar á þessu


Já, það velta eflaust margir fyrir sér fyrirsögninni á færslu dagsins. Ástæðan fyrir henni er einföld. Eftir slakt gegni undanfarið tóku strákarnir okkar sig saman og einfaldlega rúlluðu Hamars mönnum upp! 4-0 takk fyrir góðan daginn!! Fögnuður okkar í Hernum var einsog við hefðum landað evrópubikar...

Magni gerði sér lítið fyrir og setti 3 kvikindi í netið og var í kjölfarið valinn leikmaður 12. umferðarinnar á http://fotbolti.net/ og var tekinn í stutt spjall http://www.fotbolti.net/fullStory.php?action=viewStory&id=64345 .
Haffi Rúnars setti svo eitt stykki í sínum öðrum leik fyrir Reyni eftir að hann kom frá Njarðvík í glugganum.


" Hvíti herinn fagnaði líkt og enginn væri morgundagurinn"

Fannar,Marínó, Veigar,Rúnar, Gísli og Andri Þór á góðri stundu eftir leikinn.




Aðrar gleðifréttir eru þær að Sveinn "Butcher" O'Connor er byrjaður aftur að æfa, og vonandi er hann kominn til að vera í þetta skiptið


Næsta verkefni: Víðir Garði fimmtudaginn 24. júlí kl: 20:00

Já við leggjum leið okkar til erkifjendanna í Garðinum og ætlum okkur ekkert annað en öll 3 stigin!!

Fyrri leikur liðanna endaði 1-1 eftir að Magni okkar jafnaði metin með frekar dramatískum hætti... á 95. mínútu.
Þetta verður án efa hörkurimma og ekki tomma gefin eftir af hvorugu liðinu!
Víðismenn sitja sem stendur í 3 sæti deildarinnar með 22 stig, 6 sigra, 4 jafntefli og 2 töp. Markatalan +10
við Reynismenn vermum 8. sætið með aðeins 13 stig 3 unnir, 4 jafntefli og 5 tapaðir, og markatalan -3.

Hvernig liðið verður stillt upp veit ég ekki, en því verður skotið inn um leið og það fréttist. Vonum bara að strákarnir haldi áfram á sömu braut og klári leikinn með stæl.
Spilamennska okkar manna hefur verið að stórbatna í síðustu leikjum og er Bryngeir eða "BT" einsog hann er oftast kallaður, og Steini AC greinilega að finna réttu blönduna og taktíkina.

Hvíti Herinn ætlar að hittast á Mamma Mía klukkan 18:00 á morgun og undirbúa sig fyrir átökin og mynda góða stemmingu. Hugmyndin er svo að aka í bílalest í Garðinn klukkan 19:30 og gera þar allt vitlaust á pöllunum!!
Vonandi mæta sem flestir á Mum's!!

ÁFRAM REYNIR!!!

Kv. Gísli Jónatan

Já...það er von að maður spyrji sig, er ekki botninum náð? Eða þurfum við að fara enn neðar til að geta spyrnt okkur aftur upp?

Töpuðum gegn Hvöt um helgina, 3-1, reyndar ekki með okkar sterkasta lið...

Næsti leikur er á morgun þriðjudag. Það er heimaleikur og það gegn toppliði ÍR.
Leikurinn verður flautaður á klukkan 20:00!

Nú þurfa okkar menn að fara girða sig all rækilega í brók og fara að sína að þeir geti spilað fótbolta, líkt og þeir gerðu í bikarleiknum gegn Grindavík. Þá voru menn að berjast og voru greinilega vel gíraðir fyrir þann leik.... Það bara virðist vanta alltof oft hjá okkar mönnum að vera rétt gíraðir...vonandi fer það að breytast...og helst ekki seinna en í gær.

Eins þurfum við í Hernum að fara taka okkur saman í andlitinu...hittingurinn fyrir síðasta leik var til skammar...vorum einhverjar 5 eða 6 hræður... Förum nú að gera þetta af alvöru, "margar hendur vinna létt verk"!!


Sem stendur erum við í 9. sæti deildarinnar eftir 10 leiki...og ég hefði aldrei trúað að ég ætti eftir að segja þetta, en Magni frá Grenivík er í sætinu fyrir ofan okkur...og eiga 2 stig á okkur!! En mótið er langt frá því að vera búið og fullt af stigum eftir í pottinum og við þurfum svo sannarlega á þeim að halda í botnbaráttunni.

Haffi Rúnars verður löglegur á morgun og vonandi fáum við að sjá hann spreyta sig. Bjóðum hann bara velkominn aftur heim ;) Hann sagði við mig um daginn að hann myndi skora gegn ÍR 15. júlí, ef hann fengi að spreyta sig... veit að hann getur ekki beðið eftir að fá að klæðast hvítu treyjunni aftur, vonandi að hann standi við stóru orðin :)

Byrjunarliðið á morgun:

                              Aron Elís

 Aron Reynis     Garðar    Haddi Frikka    Hjözzi Fjell

                                Toni Sig

   Darko                   Mummi                  Davíð

                     Magni      Novak

Bekkurinn:  Helgi (M), Maggi, Haffi Rúnars, Sveinn Ingi og Donny.

Hvíti Herinn ætlar að hittast á MammaMía klukkan 18:30!!!

Sjáumst á Mum's

 Já það var grátlegt tapið gegn Grindavík í síðustu viku. 1-2 voru lokatölur og hefðum við með smá heppni allavega getað komið okkur í framlengingu. Svo fór hinsvegar ekki, en eiga strákarnir hrós skilið fyrir frammistöðuna á leiknum. Hver og einn einast maður barðist í öllum návígum og var greinilegt að menn ætluðu sér stóra hluti í þessum leik.
 
  Það er vonandi að þessi hugur í mönnum sé kominn til að vera, þá gætum við gert stóra hluti í sumar.

 En nóg um það.... þá er það næsti leikur. Grótta kemur í heimsókn í Sandgerðina annað kvöld, miðvikudagskvöldið 9. júlí 2008, klukkan 20:00

 Gróttumenn eru sem stendur í sætinu fyrir ofan okkur Reynismenn, eða í því 6. og eiga 2 stig á okkur.
 Reynir vs. Grótta hafa jafnan verið harðar rimmur, og skemmtilegar fyrir áhorfendur. Það er mörgum í fersku minni bikarleikurinn sem fór fram í fyrra. Leikurinn endaði 1-2 fyrir okkar mönnum eftir 2 mörk frá Mumma...annað þeirra var sennilega mark ársins í Visa-bikarnum það árið.

 Flestir muna líka eftir "slagsmálunum" í lokin, þar sem, að mig minnir, 2 okkar manna voru hreinlega slegnir niður af Gróttumönnum. Dómarinn sá ekkert annað í stöðunni en að flauta leikinn af. Gaman að rifja þetta upp...ég er ekkert að reyna að kveikja neitt óeðlilega mikið í mönnum :)

  En já, einsog fyrr segir, leikurinn er flautaður á klukkan 20:00.

 Hvíti Herinn lætur sig ekki vanta á völlinn og ættu aðrir Sandgerðingar ekki að láta sig vanta heldur...þar sem að veðurguðirnir eru sagðir ætla að vera í spariskapinu.

 Herinn ætlar að hittast á Mamma Mía uppúr klukkan 18:00, það er 6 eða sex á íslensku.

 Byrjunarliðið er ég ekki með á hreinu, en það kemur um leið og einhver veit það :)

 Hittumst hress á morgun!! 

 Allir á Mum's!

Kv. Gillarinn

  Sælir góðir hálsar.

Einsog flestir vita þá endaði leikurinn um helgin á Húsavík (Völsungur) með jafntefli, 1-1.
 Það var enginn annar en "our MVP" Jóhann "Magnadona" Jóhannson sem skoraði jöfnunarmark okkar manna.

 En þá að máli málanna þessa vikuna.

 VISA-bikarinn!
 Grindvíkingar koma í heimsókn á Sparisjóðsvöllinn okkar hér í Sandgerði á miðvikudaginn. Leikurinn verður flautaður á klukkan 19:15

 Þessi lið léku sama í 1. deildinni síðasta sumar, hlutskiptin urðu heldur ólík... Við Reynismenn féllum en Grindavík fór upp. Ef mig misminnir ekki, að þá unnu Grindjánarnir deildina á meðan að við tókum botnsætið með glæsibrag.

 Liðin áttust við 2svar sinnum á sumrinu, Reynismenn töpuðu báðum leikjunum, heimaleiknum 0-2 og útileiknum 0-6!

 Er ekki kominn tími til að fara setja einsog eitt stykki mark á þá gulu?

 Það muna flestir í Hvíta Hernum eftir stemmingunni sem við náðum á Grindavíkurvelli í fyrra. Er ekki spurning um að rífum okkur rækilega upp af rassgatinu og toppum þá stemmingu?? Á okkar EIGIN heimavelli!!!


 Ég ætla mér að vera hóflega svartsýnn og segja að við förum í framlengingu.... 1-1, og það verður enginn annar en "Magnadona" sem skýtur okkur í 8 liða pakkann.


 Hittingur hjá Hvíta Hernum fyrir leik er klukkan 17:00 á miðvikudaginn. Staður?  Mammamía að sjálfsögðu!

  MÆTTU!!!

ÁFRAM REYNIR!

 kv. Gilli Páwer